Sections
Archive
| Su | Mo | Tu | We | Th | Fr | Sa | |
|---|---|---|---|---|---|---|---|
| 1 | 2 | 3 | 4 | ||||
| 5 | 6 | 7 | 8 | 9 | 10 | 11 | |
| 12 | 13 | 14 | 15 | 16 | 17 | 18 | |
| 19 | 20 | 21 | 22 | 23 | 24 | 25 | |
| 26 | 27 | 28 | 29 | ||||
Newsletter
SAMAD sa dagway ang naangkon sa usa ka 41 anyos nga babaye human siya gibunalan og long neck nga botelya didto sa Purok 19 Kapatagan, Laak, Compostela Valley Province niadtong Lunes sa gabii.
Nalipong pang naabot sa Davao Regional Hospital ang biktimang si Narita Optana, 41 anyos ang edad ug nagpuyo sa nahisgutang lugar.
Gikaingong naglingaw-lingaw nga mingsayaw sa diskohan ang biktima alas 7 niadtong panahona.
Bag-ohay pa lamang unta nga nagsayaw ang biktima dihang giduol siya sa wala mailhing suspek ug kalit siyang gibunalan sa dagway.
Nabuak intawon ug mibuto sa nawong sa biktima ang usa ka long neck sa ilimnon. Grabeng mga samad sa dagway ang naangkon ni Optana. Dali usab nga misibat paingon sa wala matinong lugar ang suspetsado human ang maong hitabo.
Sumala pa sa mga personahe sa DRH, gikaingong nakainom usab ang biktima dihang naabot kini sa bay tambalanan. Gidali dayong sa pagtambal ang mga samad sa dagway sa biktima aron malikayan ang pagka-infect niini. Ning kasamtangan, padayon pa ang imbestigasyon sa maong insidente. (Danjo Revilla)
(Agusto 29, 2007 isyu) Sunstar superbalita DAVAO
Comments (0 posted)
News
